საპარლამენტო უმრავლესობის წევრის, ირაკლი ქადაგიშვილის განცხადებით, პარლამენტი „საარჩევნო კოდექსში“ ცვლილებებზე პრეზიდენტის ვეტოს დაძლევს.
ქადაგიშვილის თქმით, კანონის მიღება სწორი გადაწყვეტილება იყო.
„რა თქმა უნდა, ვეტო იქნება დაძლეული, რადგან კანონი როცა მივიღეთ, გააზრებული გვქონდა, რომ სწორი გადაწყვეტილება იყო. პრეზიდენტი ოპოზიციაშია გადასული. როგორც ისინი არ იღებენ არანაირ კენჭისყრაში მონაწილეობას, ასევეა პრეზიდენტიც, თუმცა მას დამატებითი ბერკეტი აქვს, რომ არმონაწილეობა ვეტოთი გამოხატოს და ამას აკეთებს“, – განაცხადა ირაკლი ქადაგიშვილმა.
პრეზიდენტმა „საარჩევნო კოდექსში“ ცვლილებებს ვეტო დაადო.
