„ნაციონალური მოძრაობისათვის“ ხუთი ნომერი 22-23 წლის განმავლობაში იდენტობის ერთგვარი მაჩვენებელი იყო, ამომრჩევლის თვალში ამ იდენტობას კარგავენ, – ამის შესახებ საპარლამენტო უმრავლესობის წევრმა, ირაკლი ქადაგიშვილმა განაცხადა და განმარტა, რომ ნომრის დაკარგვა პარტიის სახის ჩამოშლასაც ნიშნავს.
„აბსოლუტური დესტრუქციაა, რასაც „ნაციონალური მოძრაობა“ ატარებდა ქართულ პოლიტიკაში და გარე კარნახს მინდობილი, როგორ მიჰყავს პარტია თავისივე ფეხით სრულ დეგრადაციამდე. ხუთი ნომერი არ იყო უბრალოდ საარჩევნო ნომერი, ეს არის ბრენდი, რომელიც ამომრჩეველში გაიგივებული იყო კონკრეტულ პოლიტიკურ პარტიასთან. ამიტომ, ნომრის ასე დაკარგვა პარტიის სახის ჩამოშლასაც ნიშნავს, მით უმეტეს, როდესაც „ნაციონალური მოძრაობისათვის“ მთელი 22-23 წლის განმავლობაში ხუთი ნომერი იყო იდენტობის ერთგვარი მაჩვენებელი. ამომრჩევლის თვალში ამ იდენტობას კარგავენ, მაგრამ რაც მოსდით, მოსდით საკუთარი დესტრუქციული პოლიტიკური ქცევიდან გამომდინარე. ეს ნომერი დღეს რომელიღაც სხვა პარტიას შეხვდებოდა, რომლისთვისაც მართლაც არაფერს ნიშნავს ხუთი ნომერი იქნებოდა, თუ რომელიმე სხვა ციფრი“, – განაცხადა ირაკლი ქადაგიშვილმა.
