აშკარაა, რომ ნეთანიაჰუს განცხადებას არაფერი აქვს საერთო არც სომხეთის რესპუბლიკის და არც სომეხი ხალხის ინტერესებთან, - განაცხადა სომხეთის მთავრობის მეთაურმა ნიკოლ ფაშინიანმა ჟურნალისტებთან საუბრისას 28 აგვისტოს მთავრობის სხდომის შემდეგ
ისრაელის პრემიერ-მინისტრის, ბენიამინ ნეთანიაჰუს განცხადებას, რომ ისრაელი აღიარებს სომეხთა გენოციდს, სომხეთის პრემიერმა მინისტრი, ნიკოლ პაშინიანი, ასე გამოეპასუხა:
„ზოგადად, ჩვენ უნდა გვესმოდეს, გვინდა თუ არა, რომ სომეხთა გენოციდის აღიარება ან არაღიარება გეოპოლიტიკური ვაჭრობის საგანი გახდეს იმ ადამიანების ხელში, რომლებსაც არაფერი აქვთ საერთო ჩვენი სახელმწიფოსა და ხალხის ინტერესებთან. გვინდა თუ არა, რომ გენოციდის აღიარების საკითხი გახდეს რაღაცის შემთხვევითი გამოხატვა ინტერვიუში? ჩვენ უნდა გავამახვილოთ ყურადღება ჩვენი სახელმწიფოს ინტერესებზე. ამდენმა ქვეყანამ აღიარა სომეხთა გენოციდი. და რა მოიგო ამით სომხეთმა, რა მივიღეთ ჩვენ?“
ისრაელის პრემიერ-მინისტრმა ბენიამინ ნეთანიაჰუმ, გუშინ, ჟურნალისტის კითხვას, რატომ არ უსაუბრია გენოციდზე ისრაელის არცერთ პრემიერ-მინისტრს თურქების მიერ სომხების, ასირიელების და ბერძნების მკვლელობასთან მიმარებით, უპასუხა: „და მე ეს ახლახან გავაკეთე. წერტილი“.
სომხეთის პრემიერ-მინისტრი რეაქცია ნეთანიაჰუს განცხადებაზე შეიცავს მინიშნებას იმის შესახებ, რომ სახელმწიფოები თავიანთი ინტერესებიდან გამომდინარე აფასებენ ამა თუ იმ მოვლენას და არაპირდაპირ შეახსენებს, ერთი მხრივ, თურქეთსა და ისრაელს შორის დაძაბულ ურთიერთობის შესახებ და, მეორე მხრივ, თურქეთსა და სომხეთს შორის ურთიერთობის დათბობის ისრაელისთვის არცთუ სასურველობის შესახებ.
