პარლამენტის ფრაქცია „საქართველოსთვის“ აქცია-მანიფესტაციებთან დაკავშირებით მომზადებულ ცვლილებებზე ხელახალი კენჭისყრის ჩატარებას ითხოვს.
ფრაქციის თავმჯდომარის, შალვა კერესელიძის განცხადებით, ცვლილებები კენჭისყრაზე ჩავარდა, თუმცა ეს საკითხი სადაო გახდა, რადგან მას მხარი უმრავლესობის წევრებმაც დაუჭირეს.
„თავის გამართლების მიზნით, ზოგმა ეს შემთხვევითობას დააბრალა, ზოგმა ტექნიკირ შეცდომას, ზოგმა რას. დავუშვათ, რაღაც რაოდენობამ ხმა მექანიკურად მისცა, მაგრამ 16-მა ადამიანმა ასეთი შეცდომა როგორ დაუშვა? – მათ წინააღმდეგის ნაცვლად, მხარი დაუჭირეს, ასეთი რამ არ არსებობს. ბევრია, ვინც უბრალოდ მხარი არ დაუჭირა, ვინც თავი შეიკავა და კენჭისყრაში მონაწილეობა არ მიიღო. ამიტომ, ამას ტექნიკურ შეცდომას ნუ დავაბრალებთ. ეს მიზანმიმართული გადაწყვეტილებაა და თუ ეს ასე არ არის, მაშინ, თავიდან ჩატარდეს კენჭისყრა. თავის გასამართლების რეჟიმში თავად ჩაიყენეს საკუთარი თავი. მიზეზებს ეძებენ, ხან ტექნიკურს და ხან მექანიკურს. გულწრფელად მჯერა, რომ ეს არ არის ტექნიკური შეცდომა და შემთხვევითობა, შეგნებულია“, – განაცხადა შალვა კერესელიძემ.
