სააკაშვილი მწვავე კონკურენციას გრძნობს, რადგან მისი გუნდი ფულისა და ტელევიზიების გადანაწილებით არის დაკავებული, ამიტომ სურს, ყურადღების ცენტრში დარჩეს, – ამის შესახებ პარლამენტის ვიცე-სპიკერმა, არჩილ თალაკვაძემ ჟურნალისტებთან დასმული კითხვის საპასუხოდ განაცხადა. რომელიც დღევანდელ სასამართლო პროცესზე მიხეილ სააკაშვილის დისტანციურად ჩართვის დროს გაკეთებულ განცხადებებს ეხებოდა.
„მიხეილ სააკაშვილს ბევრი მნახველი ჰყავს, ვინც იმ ინფორმაციებს ისმენს, რაც მას სიამოვნებს და მოსწონს. ასევე ის უყურებს ტელევიზორს, სამოქალაქო კლინიკაში იმყოფება და მისი პირობები მაღალ მოთხოვნებს აკმაყოფილებს. სამწუხაროა, რომ მისი გარემოცვა პირობებზე სპეკულაციებს ისევ აგრძელებს. რიტორიკა შეცვალეს, თუმცა ეს ადამიანები არ ჩერდებიან და ლობისტების დაქირავებას აგრძელებენ. სააკაშვილის განცხადებებს ერთადერთი მიზანი აქვს – მისი გუნდი, მისი პარტიის გუნდი ფულისა და ტელევიზიების გადანაწილებით არის დაკავებული და სააკაშვილი მწვავე კონკურენციას გრძნობს, რის გამოც სურს, ყურადღების ცენტრში და ყოველდღიურ ნიუსებში დარჩეს“, – განაცხადა არჩილ თალაკვაძემ.
