"ერთიანობა - ნაციონალური მოძრაობის" წევრი, ხატია დეკანოიძე აცხადებს, რომ მას აქვს ინფორმაცია, ევროპული ფონდების შესახებ, რომლებიც არჩევნებში ოპოზიციის გამარჯვების შემდეგ, საქართველოსთვის 14 მილიარდის გადაცემას უზრუნველყოფენ, თუმცა, კითხვაზე, კონკრეტულად რომელი ორგანიზაცია აპირებს აღნიშნული თანხის გადაცემას, პასუხობს, რომ ახლა ამაზე სასაუბრო დრო არ არის.
დეკანოიძე აღნიშნავს იმასაც, რომ მზად არის, 14 მილიარდ ევროზე უსასრულოდ ილაპარაკოს. "ჩვენ გვაქვს ინფორმაცია,რომ არსებობს უამრავი ფონდი, ევროპული ფონდი, რომელიც, რა თქმა უნდა, ქართველი ხალხის სწორი არჩევანის შემდეგ მიიღებს იმ 14 მილიარდს. მე მზად ვარ გელაპარაკოთ და გესაუბროთ უსასრულოდ 14 მილიარდზე, ახლა ამის [ორგანიზაციის დასახელების] დრო არ არის." - განაცხადა ხატია დეკანოიძემ.
შეგახსენებთ, ხატია დეკანოიძემ განაცხადა, 26 ოქტომბრის შემდეგ მოვიზიდავთ უამრავ ინვესტიციას, 14 მილიარდიან ინვესტიციას - საქართველო იქნება სრულიად განსხვავებული, ვიდრე ეს წარმოუდგენია ბიძინა ივანიშვილს
