უკრაინის პრეზიდენტმა ვოლოდიმირ ზელენსკიმ Telegram-ზე განაცხადა, რომ სატელეფონო საუბარი ჰქონდა აშშ-ის პრეზიდენტ დონალდ ტრამპთან და ისინი ნიუ-იორკში შეხვედრაზე შეთანხმდნენ. ამასთან, უკრაინელმა ლიდერმა გამოთქვა მოსაზრება, რომ ამ შეხვედრას "ბევრის შეცვლა" შეუძლია.
ზელენსკის თქმით, მან მადლობა გადაუხადა ტრამპს კიევში მისი სპეციალური წარმომადგენლების — სტივენ უიტკოფისა და ჯარედ კუშნერის — ბოლოდროინდელი ვიზიტისთვის. "ჩვენ კარგად გავეცანით არსებით დეტალებს და ბიჭებმა უკრაინაში არსებული სიტუაცია ნახეს", — ისაუბრა უკრაინის პრეზიდენტმა ამ ვიზიტის შედეგებზე. მან ასევე მადლიერება გამოხატა ტრამპის მიერ "ლინდსი გრემის კანონის" ხელმოწერისთვის, რომელიც რუსეთზე სანქციების ზეწოლის გაძლიერების საშუალებას იძლევა.
ამასთან, ზელენსკიმ აღნიშნა, რომ კიევს "აქვს იდეები დეესკალაციის ნაბიჯებისა და ფუნდამენტური უსაფრთხოების საკითხების შესახებ — ენერგეტიკული, სასურსათო, ადამიანების სიცოცხლის დაცვის კუთხით".
"ამერიკულ გუნდთან ერთად ვმუშაობთ და მზად ვართ, რეალურად სერიოზული ნაბიჯები გადავდგათ", — დასძინა მან.
