უახლოეს მომავალში უკრაინა წარუდგენს თავის გამარჯვების გეგმას ყველა პარტნიორს, ვისაც შეუძლია გააძლიეროს უკრაინა რუსული აგრესიის წინააღმდეგ ბრძოლაში. ამის შესახებ უკრაინის პრეზიდენტის ვოლოდიმირ ზელენსკიმ განაცხადა.
„დღეს ჩვენ შევთანხმდით ერთი კვირის განმავლობაში მოლაპარაკებების განრიგზე, ეს არის შეხვედრები, მოლაპარაკებები ბევრ პარტნიორთან. ჩვენ ყველას, ვისაც შეუძლია უკრაინის გაძლიერება, ჩვენი გამარჯვების გეგმას წარვუდგენთ - ყველა ქვეყანას, რომელიც ნამდვილად შეძლებს მშვიდობის დაახლოებას.
და, რა თქმა უნდა, ჩვენი პარტნიორების ყველა პოზიციის გაცნობიერებით, უკრაინის ყველა რეალური შესაძლებლობის, გამარჯვების ჩვენი გეგმის გაძლიერებით, ჩვენ გავასაჯაროებთ შემდგომი მოქმედებების სტრატეგიას“, - განაცხადა ზელენსკიმ.
მისი აზრით, მნიშვნელოვანია, რომ ყველა უკრაინელმა გაიგოს "პერსპექტივა მთლიანობაში".
„ჩვენ ვიწვევთ ჩვენს პარტნიორებს, გადაწყვიტონ, როგორ ხედავენ ამ ომის დასასრულს, უკრაინის ადგილს გლობალურ უსაფრთხოების არქიტექტურაში, ისევე როგორც ზოგად ნაბიჯებს, რომლებიც ამ ომს დასრულების კურსზე დააყენებს“, - განმარტა უკრაინის პრეზიდენტმა.
