უპილოტო საფრენი აპარატებით კრასნოდარის ოლქში, გელენჯიკის ტერიტორიაზე მდებარე ობიექტებზე განახორციელეს დარტყმები.
„სოფელ კრინიცაში ერთ-ერთი აპარატის ნამსხვრევებმა დააზიანა დაუმთავრებელი შენობა. სოფელ ჯანხოტში დრონი ხეებს დაეცა, ხანძარი ჩააქრეს. წინასწარი ინფორმაციით, არავინ დაშავებულა“, განაცხადა ოლქის გუბერნატორმა ვენიამინ კონდრატიევმა.
მისი თქმით, ყველა უპილოტო საფრენი აპარატი მოგერიებულ იქნა საჰაერო თავდაცვის მიერ.
რუსეთის თავდაცვის სამინისტრომ ადრე განაცხადა, რომ ღამით კრასნოდარის მხარეში ოთხი უპილოტო საფრენი აპარატი განადგურდა.
იდოკოპასის კონცხზე მდებარე სოფელ ჯანხოტთან ახლოს მდებარეობს მამული და სასახლე, რომელიც, მრავალი გამოძიების მიხედვით, რუსეთის პრეზიდენტ ვლადიმირ პუტინისთვის აშენდა.
