ამის შესახებ ნათქვამია შეერთებული შტატების ფინანსთა სამინისტროს ვებგვერდზე გამოქვეყნებულ პრესრელიზში.
რუსეთის მხრიდან უკრაინაში ომის დასრულებისკენ მიმართული სამშვიდობო პროცესისადმი სერიოზული ვალდებულებების არარსებობის გამო 22 ოქტომბრის გვიან საღამოს ამერიკის შეერთებული შტატების ფინანსთა სამინისტროს უცხოური აქტივების კონტროლის ოფისმა ახალი სანქციებს დააწესა.
„დღევანდელი ქმედებები ზრდის ზეწოლას რუსეთის ენერგეტიკულ სექტორზე და ამცირებს კრემლის შესაძლებლობას, გამოიმუშაოს შემოსავალი თავისი საომარი მანქანისთვის და მხარი დაუჭიროს მის დასუსტებულ ეკონომიკას. შეერთებული შტატები გააგრძელებს ომის მშვიდობიანი გზით მოგვარების მხარდაჭერას და მდგრადი მშვიდობის მიღწევა მთლიანად დამოკიდებულია რუსეთის მზადყოფნაზე, კეთილსინდისიერად აწარმოოს მოლაპარაკებები. ამერიკის შეერთებული შტატების ფინანსთა სამინისტრო გააგრძელებს თავისი უფლებამოსილების გამოყენებას სამშვიდობო პროცესის მხარდასაჭერად.
„ახლა დროა, შევაჩეროთ მკვლელობები და გამოვაცხადოთ დაუყოვნებლივი ცეცხლის შეწყვეტა“, - განაცხადა ფინანსთა მინისტრმა სკოტ ბესენტმა. „იმის გათვალისწინებით, რომ პრეზიდენტ პუტინი უარს ამბობს ამ უაზრო ომის დასრულებაზე, ფინანსთა სამინისტრო სანქციებს უწესებს ორ მსხვილ რუსულ ნავთობკომპანიას, რომლებიც აფინანსებენ კრემლის საომარ მანქანას. ფინანსთა სამინისტრო მზადაა, საჭიროების შემთხვევაში, მიიღოს დამატებითი ზომები, რათა მხარი დაუჭიროს პრეზიდენტ ტრამპის მცდელობებს კიდევ ერთი ომის დასრულების შესახებ. ჩვენ მოვუწოდებთ ჩვენს მოკავშირეებს, შემოგვიერთდნენ ამ სანქციების აღსრულებაში“, - ნათქვამია პრესრელიზში და აღნიშნული, რომ სანქციები მიმართულია „როსნეფტის“ და „ლუკოილის“ და მათი შვილობილი რუსული ნავთობკომპანიების წინააღმდეგ.
