აშშ-ში ბალტიმორის მოსამართლემ მილიარდერ ილონ მასკს და ხარჯების შემცირებისთვის შექმნილ მის ეფექტიანობის უწყებას დროებით შეუწყვიტა წვდომა სოციალური დაზღვევის სამსახურის კონფიდენციალურ მონაცემებზე.
მოსამართლემ განმარტა, რომ უწყებამ შეუზღუდავი წვდომა მილიონობით ამერიკელის ინფორმაციაზე სუსტი არგუმენტით მოიპოვა.
საქმე ეხება სოციალური დაცვის ნომრებს, სამედიცინო ჩანაწერებს, მართვის მოწმობის მონაცემებს, საბანკო და საკრედიტო ბარათების ინფორმაციასა და საგადასახადო დოკუმენტებს. უწყების ხელთ არსებული მასალები უნდა წაიშალოს. სასამართლომ მსგავსი გადაწყვეტილება უკვე მიიღო სხვა საქმეებზეც, თუმცა ჯერ არ არსებობს იურიდიულად სავალდებულო გადაწყვეტილება.
მასკის ხელმძღვანელობით აშშ-ში დაიწყო ფედერალური უწყებების თანამშრომლების შემცირება და ზოგიერთის საერთოდ დახურვა. ამ ნაბიჯების მიმართ კრიტიკულად განწყობილები მიიჩნევენ, რომ ეს გეგმები გადაჭარბებულია და ბიუჯეტის შემცირების პირობებში გაუქმდება ასევე დემოკრატიული სტრუქტურები.
