საფრანგეთში, პიერ-ოგიუსტ რენუარის მუზეუმიდან ცნობილი მხატვრის რამდენიმე ნამუშევარი მოიპარეს. ძარცვის შესახებ ინფორმაციას ადგილობრივი სამართალდამცავი უწყებები ადასტურებენ.
ინციდენტი ღამით მოხდა. თავდამსხმელებმა მუზეუმის დაცვის სისტემის გვერდის ავლით შეაღწიეს შენობაში და საექსპოზიციო დარბაზიდან რენუარის ორიგინალი ტილოები წაიღეს. ზუსტი რაოდენობა და მოპარული ნამუშევრების საბაზრო ღირებულება ამ დროისთვის ოფიციალურად არ სახელდება, რადგან საგამოძიებო მოქმედებები მიმდინარეობს.
ადგილზე მუშაობენ კრიმინალისტები და პოლიციის სპეციალური განყოფილება, რომელიც კულტურული მემკვიდრეობის წინააღმდეგ მიმართულ დანაშაულებს იძიებს.
რეგიონის მასშტაბით გაძლიერებულია კონტროლი, რათა თავდამსხმელებმა მოპარული ნამუშევრების ქვეყნიდან გატანა ვერ შეძლებენ.
მუზეუმის ხელმძღვანელობამ მომხდარის გამო ღრმა წუხილი გამოთქვა. გამოძიების ინტერესებიდან გამომდინარე, სამართალდამცველები დამატებით დეტალებს ეტაპობრივად გაასაჯაროებენ.
