შემაძრწუნებელი ფაქტი მოხდა საფრანგეთში, იველინის დეპარტამენტში: სასამართლომ გამამტყუნებელი განაჩენი გამოუტანა წყვილს, რომელიც საკუთარ არასრულწლოვან შვილს სექსუალური სცენების გადაღებას აიძულებდა.
სენ-სირ-ლ’ეკოლში (Saint-Cyr-l’École) მცხოვრებ 16 წლის გოგონას დედისა და მამინაცვლის მითითებით, მათივე სახლში, ამ უკანასკნელთა ინტიმური კავშირის ამსახველი კადრები უნდა გადაეღო.
სასამართლო პროცესის დეტალებზე დაყრდნობით, რომელიც გამოცემა 78Actu-მ გააშუქა, ვერსალის სასამართლომ გასულ ხუთშაბათს წყვილს პატიმრობა მიუსაჯა.
გამოძიება 2025 წლის აპრილში დაიწყო, მას შემდეგ, რაც იველინის საგანგაშო ინფორმაციის ცენტრში (Crip) ანონიმური შეტყობინება შევიდა, — იუწყება Le Parisien. პოლიციაში დაკითხვისას მოზარდმა დაადასტურა, რომ მას აიძულებდნენ არა მხოლოდ დასწრებოდა ორი ზრდასრული ადამიანის ინტიმურ აქტს, არამედ ვიდეოზეც აღებეჭდა პროცესი.
თავდაპირველად, დაკავებისას ბრალდებულები დანაშაულს უარყოფდნენ, თუმცა მათი მობილური ტელეფონების ექსპერტიზამ გამომძიებლებს უტყუარი მტკიცებულებები მისცა.
აღმოჩენილია
მსხვერპლის მიერ გადაღებული რამდენიმე ვიდეოჩანაწერი, სადაც ისმის მამინაცვლის ხმა, რომელიც გოგონას გადაღების პროცესში კონკრეტულ ინსტრუქციებს აძლევს.
ამ დროისთვის ოჯახში მცხოვრები ყველა ბავშვი მზრუნველობის ქვეშ, უსაფრთხო გარემოშია გადაყვანილი.
