საფრანგეთის ქალაქ ბორდოში საპროტესტო აქციაზე პოლიციასა და დემონსტრანტებს შორის შეტაკებები მოხდა.

ვიდეოკადრებში ჩანს, რომ ქალაქის ისტორიულ ცენტრში, ცნობილ საფონდო მოედანზე შეკრებილი დემონსტრანტების ნაწილმა პოლიციელებს სხვადასხვა საგანები ესროლეს. პოლიციამ კი დემონსტრანტების წინააღმდეგ ცრემლსადენი გაზი გამოიყენა.

რეგიონის ხელისუფლებამ სოციალურ ქსელში გამოქვეყნებულ განცხადებაში აღნიშნა, „მტრული ჯგუფები სამართალდამცველებს ესხმიან თავს და სხვადასხვა საგანს ესვრიან“. უწყებამ მოქალაქეებს მოუწოდა, აღნიშნულ ტერიტორიას მოერიდონ.