საჭიროა, რომ ევროკავშირის წევრობის ასპირანტი ქვეყნები ევროკავშირთან უფრო სწრაფად დავაახლოოთ, – ამის შესახებ ევროკომისიის პრეზიდენტი ურსულა ფონ დერ ლაიენი „ტვიტერის“ გვერდზე წერს.
დღეს ურსულა ფონ დერ ლაიენი ათენში ჩავიდა, სადაც ის ევროკავშირის სხვა მაღალჩინოსნებთან და ბალკანეთის სახელმწიფოების ლიდერებთან ერთად, საბერძნეთის პრემიერ-მინისტრის მიერ ორგანიზებულ არაფორმალურ შეხვედრას დაესწრება.
მოლაპარაკებების მთავარი თემა ბალკანეთის ქვეყნების ევროპული ინტეგრაცია იქნება.
„მიხარია ათენში რომ ვარ, რათა განვიხილოთ აღმოსავლეთსა და დასავლეთ ბალკანეთში ჩვენი მეზობლებისა და პარტნიორების ევროპული პერსპექტივა. ჩვენ გავაგრძელებთ ბარიერების მოხნას ჩვენს რეგიონებს შორის“, – წერს ევროკომისიის პრეზიდენტი.
უკრაინული მედია წერს, რომ ათენში ასევე ელოდებიან უკრაინის პრეზიდენტ ვოლოდიმირ ზელენსკის, სადაც ის საბერძნეთის პრემიერ-მინისტრის მიწვევით ჩავა.
We need to bring our friends, the aspiring members of the EU much closer to us and much faster.
— Ursula von der Leyen (@vonderleyen) August 21, 2023
Glad to be in Athens to discuss the European perspective of our neighbors and partners in the East and the Western Balkans.
We will keep bringing down barriers between our regions. pic.twitter.com/OJkAQYDlef
