პოლონეთი აძლიერებს საზღვარს კალინინგრადის ოლქის მახლობლად, ასევე განაახლებს ჯარების ყოფნას სასაზღვრო რაიონებში და აძლიერებს უსაფრთხოების სხვა ზომებს. ეს განცხადება პრემიერ-მინისტრმა მატეუშ მორავეცკიმ ბარტოშიში ვიზიტის დროს გააკეთა, რომელიც პოლონეთის საზღვართან რუსეთის ფედერაციის კალინინგრადის ოლქთან მდებარეობს.
"მთელ სასაზღვრო ზოლზე ავაშენებთ ფიზიკურ და ელექტრონულ ბარიერებს. ასევე გავაძლიერებთ სასაზღვრო სამსახურის და ყველა სხვა სერვისის ყოფნას. ეს უკვე გაკეთდა, მაგრამ ჩვენ გავაგრძელებთ მთელ პროცესს", - ციტირებს მის სიტყვებს პოლონური რადიო.
მისი თქმით, სასაზღვრო რაიონებში პოლონეთის ჯარების ყოფნა განახლდება და ეს ამ რეგიონებში უსაფრთხოების გაუმჯობესების ნაწილია.
