კრემლის პრესსპიკერი დიმიტრი პესკოვი აცხადებს, რომ შვედეთის NATO-ში გაწევრიანება რუსეთის უსაფრთხოებას საფრთხეს უქმნის და საპასუხო ზომებს მიიღებენ. მისი შეფასებით, ამას რუსეთისთვის "ცალსახად ნეგატიური შედეგი" მოჰყვება.
"რუსეთის ფედერაცია გეგმავს იმავე ზომების მიღებას, როგორც ფინეთის ალიანსში გაწევრიანებისას გეგმავდა," - თქვა პესკოვმა.
შეგახსენებთ, ფინეთმა და შვედეთმა NATO-ში გაწევრიანება რუსეთის უკრაინაში შეჭრის შემდეგ გადაწყვიტეს. 4 აპრილს ფინეთი ოფიციალურად გახდა ალიანის 31-ე წევრი. შვედეთის გაწევრიანებას კი თურქეთი აფერხებდა. თუმცა, გუშინ, 10 ივლისს, NATO-ს ვილნიუსის სამიტის წინ, ცნობილი გახდა, რომ თურქეთის პრეზიდენტი, რეჯეფ თაიფ ერდოღანი, შვედეთის გაწევრიანებას მხარს დაუჭერს.
