პენტაგონი: აშშ-მა უკრაინისთვის 322 მილიონი დოლარის ღირებულების სამხედრო დახმარების ორი პაკეტის მიყიდვა დაამტკიცა

პირველი პაკეტი მოიცავს HAWK Phase III -ის ტიპის საჰაერო თავდაცვის სისტემებს და მათ მოვლა-შენახვას, ხოლო მეორე - Bradley-ის ტიპის ქვეითთა საბრძოლო მანქანებს  და მათ რემონტს.

პირველი პაკეტი მოიცავს HAWK-ის სარაკეტო სისტემის მოვლა-შენახვას, კერძოდ:

• ხუთტონიანი სატვირთო მანქანები;

• HAWK სისტემის სათადარიგო ნაწილები;

• HAWK-ის საზენიტო სისტემების შეკეთება და კაპიტალური რემონტი;

• ხელსაწყოების ნაკრებები;

•  აღჭურვილობა ტესტირებისთვის;

• დამხმარე აღჭურვილობა;

• ტექნიკური დოკუმენტაცია;

• სწავლება;

• აშშ-ის მთავრობისა და კონტრაქტორის ტექნიკური და საველე მხარდაჭერა;

• სათადარიგო ნაწილების შესანახი კონტეინერები და აღჭურვილობა;

• MIM-23 HAWK-ის რაკეტებისა და რაკეტების შეკეთების სათადარიგო ნაწილები;

• პროგრამის ლოგისტიკასა და მხარდაჭერასთან სხვა დაკავშირებულ ელემენტებს.

მთლიანი ღირებულება 172 მილიონ დოლარად არის შეფასებული.

მეორე პაკეტი გულისხმობს Bradley-ის ქვეითთა საბრძოლო მანქანების განახლებისთვის აღჭურვილობისა და მომსახურების შეძენას, ტექნიკურ დახმარებას, წვრთნებს და სხვა ლოგისტიკურ და პროგრამულ მხარდაჭერას. საერთო ღირებულება 150 მილიონი აშშ დოლარია.