პაკისტანის უზენაესი სასამართლოს გადაწყვეტილებით, კონსტიტუციის 62-ე მუხლის თანახმად, ყოფილი პრემიერ-მინისტრი ნავაზ შარიფი და ყოფილი გენერალური მდივანი ჯაჰანგირ ხარ ტარინი ქვეყნის პოლიტიკურ ცხოვრებას სიცოცხლის ბოლოდე ჩამოშორდებიან. ამის შესახებ ინფორმაციას The Express Tribune-ი ავრცელებს.
გამოცემის თანახმად, შესაბამისი გადაწყვეტილება სხდომაზე ხუთივე მოსამართლემ ერთხმად მიიღო.
„ყოველთვის მჯეროდა, რომ კონსტიტუციის 62.1 მუხლის მუხლი პოლიტიკიდან უვადოდ ჩამოშორების შესახებ ჩემს საქმეს არ შეეხებოდა. ყველა ჩემი ფინანსური ტრანზაქცია გადახდილია, საგადასახადო კონსულტანტის რჩევით, ქონება ბავშვებს გადავეცი და არა საკუთარ თავს. მაინც სამართლიანობის იმედი მაქვს ", - გამოეხმაურა სასამართლოს გადაწყვეტილებას Twitter- ის ჰან ტარინი.
ნავაზ შარიფი ჯერჯერობით სასამართლოს გადაწყვეტილებას არ გამოხმაურებია.
2017 წლის ივლისის ბოლოს პაკისტანის უზენაესმა სასამართლომ ნავაზ შარიფის ოჯახის წევრები კორუფციულ გარიგებაში დამნაშავედ ცნო, რის შემდეგაც შარიფი გადადგა.
გამოძიებამ დაადგინა, რომ პრემიერმინისტრის შვილები ოფშორულ კომპანიებს ფლობდენ. გამოძიება „პანამის დოსიეს“ გამოქვეყნების შემდეგ დაიწყო, როდესაც 11 მილიონზე მეტი დოკუმენტით დაადასტურა, რომ პოლიტიკოსებსა და ბიზნესმენების კავშირი ოფშორულ კომპანიებთან ჰქონდათ. ამის შემდეგ პაკისტანის სასამართლომ თანამდებობიდან ფინანსთა მინისტრი და გენერალური მდივანიც გადააყენა.
