ამის შესახებ ინფორმაციას ნიდერლანდების საზოგადოებრივი მაუწყებელი ავრცელებს.
ნიდერლანდების დროებითმა მთავრობამ დაასრულა მუშაობა კანონპროექტზე, რომელიც დემონსტრაციებზე სახის დაფარვას მთელი ქვეყნის მასშტაბით ითვალისწინებს. ეს მოთხოვნა წარმომადგენელთა პალატაში უმრავლესობით იქნა წამოყენებული.
მინისტრთა კაბინეტის მიერ შემუშავებული კანონპროექტი ასევე უფრო მკაცრი ხდება კულტურული მემკვიდრეობის ძეგლის დაზიანების და მაგისტრალების და რკინიგზის გადაკეტისთვის ცალკე სისხლის სამართლის დანაშაულის შემოღებით.
პოლიტიკოსების დაკვეთით ჩატარებულმა ბოლო კვლევებმა აჩვენა, რომ შემთხვევათა 97%-ში დემონსტრაციები საზოგადოებრივ წესრიგს საფრთხეს არ უქმნის და ათზე მეტი ინციდენტი დემონსტრაციების მხოლოდ 0.03%-ში მოხდა. მკვლევრებმა რეკომენდაცია გაუწიეს არსებული კანონმდებლობის ფარგლებში პოლიციისა და პროკურორების უფლებამოსილების გაფართოებას, რათა მიიღონ ზომები კანონდამრღვევი დემონსტრანტების წინააღმდეგ.
კვლევის შედეგები კანონპროექტის მომზადებისას გათვალისწინებული იქნა, თუმცა, როგორც იუსტიციის მინისტრი ვან ოსტენი აღნიშნავს, „ჩვენ ძალიან ხშირად ვხედავთ დემონსტრაციებს, რომლებიც ვანდალიზმის ან პოლიციის წინააღმდეგ ძალადობისთვის გამოიყენება“.
მისი თქმით, ის ასევე უფრთხილდება იმ დემონსტრანტთა გრძნობებს, რომლებიც არაფერს აშავებენ და წესიერად იქცევიან.
მათ არ უნდა იფიქრონ, რომ დემონსტრაციაში მონაწილეობისგან თავი შორს უნდა დაიჭირონ, - ამბობს ვან ოსტენი, რომელმაც სპეცრაზმს დამატებითი იარაღის შეძენის საჭიროების გამოძიების უფლება მისცა.
სახის დაფარვის ამა თუ იმ საშუალების გამოყენებამ შეიძლება გამოიწვიოს ორ თვემდე თავისუფლების აღკვეთა ან 5150 ევრომდე ჯარიმა.
გამონაკლისი კვლავ ვრცელდება იმ პირებზე, რომლებსაც სახის დაფარვის დამაჯერებელი მიზეზი აქვთ. მაგალითად, საელჩოსთან მომიტინგეები, რომელთა ვინაობის დადგენაც შესაძლებელია, რაც ქვეყანას საშუალებას აძლევს, მათი ან მათი ოჯახების წინააღმდეგ სარჩელი შეიტანოს მათ სამშობლოში.
საჯარო დემონსტრაციების შესახებ კანონში შეტანილი ცვლილება წარედგინება პოლიციას, პროკურორებს, სასამართლო სისტემას, იურისტებს და ნიდერლანდების ადამიანის უფლებათა ინსტიტუტს. მოქალაქეებს შეეძლებათ თავიანთი პასუხების წარდგენა მომდევნო კვირების განმავლობაში internetconsultatie-ზე.
მერებს ასევე მოეთხოვებათ საკუთარი აზრის გამოთქმა. მათ ამჟამად აქვთ უფლებამოსილება, აკრძალონ სახის დაფარვა გარკვეულ დემონსტრაციებზე. კანონპროექტი ცვლის ამ უფლებამოსილებას და საშუალებას იძლევა დაშვებული იქნეს გამონაკლისი ცალკეული პირებისთვის ან ჯგუფებისთვის.
ნიდერლანდურ პრესაზე დაყრდნობით შეიძლება დიდი ალბათობით ვივარაუდოთ, რომ კანონპროექტს პარლამენტი ახალი მთავრობის დამტკიცებამდე არ განიხილავს. ამ თქმის საფუძველს იძლევა მედიის მიერ გავრცელებული ცნობა პარლამენტისგან სოფლის მეურნეობის მინისტრის იმ გეგმის შეჩერების შესახებ, რომელიც კარგი ხარისხის სასმელი წყლის რესურსების მქონე რაიონების ფერმერებს მეურნეობაში ნაკელის რაოდენობის გამოყენებაზე შეზღუდვების შემსუბუქებას ითვალისწინებს და რომელსაც წყლის რესურსების მინისტრი ეწინააღმდეგება. პარლამენტმა ჩათვალა, რომ ევროპული შეთანხმება, რომელიც ოთხწლიან პერიოდზეა გათვლილი და ძალაში 1 იანვრიდან შედის, სავალდებულო იქნება მომავალი მთავრობისთვის და დროებითმა მთავრობამ არ უნდა გადადგას „შეუქცევადი ნაბიჯები“ და წყლის ხარისხის შესახებ ახალი შეთანხმებების მომზადებაში მომავალ კაბინეტი არ უნდა შეაბრკოლოს.
