კალიფორნიაში, კონკურსის „მსოფლიოს ყველაზე მახინჯი ძაღლი", წლევანდელი გამარჯვებულები გამოვლინდნენ.
ნანატრი პრიზის მფლობელი 2 წლის პეტუნია გახდა. ბულდოგების ნაჯვარის პატრონმა შენონ ნაიმანმა პრიზის სახით 5000 დოლარი დაიმსახურა.
მეორე ადგილზე 5 წლის ენაგადმოგდებული მოპსი ჯინი ლუ გავიდა. ის 2023 წელსაც მონაწილეობდა კონკურსში, მაგრამ მაშინ სახლში ხელცარიელი დაბრუნდა. ამჯერად მან პატრონი 3000 დოლარის ოდენობის პრიზით გაახარა.
მესამე ადგილი დაიკავა შვიდი წლის ჩინურმა ქოჩორა ძაღლმა პოპიმ, რომელსაც უბეწვო სხეულზე რამდენიმე იშვიათი თეთრი კულული ჰქონდა. მისმა პატრონმა 2000 დოლარი მიიღო.
შეგახსენებთ, რომ შარშან ყველაზე მახინჯი ძაღლის ტიტულის მფლობელი არიზონას შტატის ქალაქ ტუსონში მცხოვრები ლინდა ელმკვისტის ჩინური ქოჩორა ჯიშის ძაღლი სახელად სკუტერი. მან გამარჯვება მერვე ცდის შემდეგ მოიპოვა.
