ადგილობრივი პრესის ინფორმაციით, მოლდოვის ენერგეტიკის ეროვნული მარეგულირებელი სააგენტოს შტაბ-ბინის წინ საპროტესტო აქცია მიმდინარეობს. აქციის მონაწილეები ხელისუფლებისგან ბუნებრივი აირის ტარიფების მოსალოდნელ ზრდაზე უარის თქმას ითხოვენ.
მოლდოვის ენერგეტიკის ეროვნული მარეგულირებელი სააგენტოს შტაბ-ბინის წინ ოპოზიციური პარტიების მიერ ორგანიზებული საპროტესტო აქცია მიმდინარეობს. პროტესტის მონაწილეები საყოფაცხოვრებო მომხმარებლებისთვის 1 კუბური ბუნებრივი აირის ამჟამად არსებული 14.42 ლეიდან 20.3 ლეიმდე ზრდის წინააღმდეგ ილაშქრებენ.
ენერგეტიკის ეროვნული მარეგულირებელი სააგენტომ ფასის 20,3 ლეიმდე ზრდის პროექტის შესახებ მას შემდეგ განაცხადა, რაც მიმწოდებელმა, „ენერგოკომმა“, შესასყიდი ფასის 106 მილიონი ლეის ოდენობით ზრდაზე მიუთითა და ფასის 20.93 ლეიმდე ზრდა მოითხოვა.
„ჩვენ არ გვინდა, რომ ხალხმა გადაიხადოს ამ ლიდერებისა და მაღალი თანამდებობის პირების უზარმაზარი ხელფასები. ტარიფის ყველაზე ცუდი ნაწილი ბენზინიც კი არ არის. ისინი ტარიფში ჩვენს დუმილს, ჩვენს ტოლერანტობას ითვალისწინებენ. თუ ჩვენ ჩუმად ვიქნებით, ტარიფი გაიზრდება. მე არ მინახავს მათ გათვლებში მილიონობით დოლარის ხელფასები რომ იყოს გამოკლებული. მე არ მინახავს, რომ მათ ტრანსპორტირების ხარჯები და სხვა ბევრი რამ იყოს გამოკლებული. პირიქით, მათ სურთ ტრანსპორტირების ხარჯების 63%-ით, ხოლო სხვა ხარჯების 40%-ზე მეტით გაზრდა. მათ არ სურთ თავიანთი უზარმაზარი ხელფასების დათმობა; ისინი ყველაფერს ტარიფში ითვალისწინებენ“ - აცხადებს აქციის ერთ-ერთი ორგანიზატორი პარტიის - მოლდოვის განვითარების და კონსოლიდაციის პარტია - ლიდერი იოან ჩიკუ.
„გახსოვთ, როგორ ყვიროდნენ მაია სანდუ, მიჰაი პოპშოი და იგორ გროსუ, რომ ხუთი ლეი ძალიან ბევრი იყო?“- თქვა სოციალისტური პარტიის ლიდერმა, ექსპრეზიდენტმა იგორ დოდონმა და ოპოზიციას გაერთიანებისკენ მოუწოდა.
„ყველანი უნდა გავერთიანდეთ. დავარწმუნოთ ხალხი, გამოვიყვანოთ ისინი <ხელისუფლება> თამაშიდან, ჩავატაროთ ვადამდელი არჩევნები. მოემზადეთ“, - განაცხადა მან.
იონ ჩიკუმ მოუწოდა მოქალაქეებს, მონაწილეობა მიიღონ საპროტესტო აქციაში პარლამენტის შენობის წინ, 28 ივლისს, დილის 10:00 საათზე და აღნიშნა, რომ მხოლოდ საზოგადოებრივი ზეწოლით შეიძლება თავიდან იქნას აცილებული გაზის ფასის ზრდა.
„გთხოვთ, სამშაბათს მობრძანდეთ პარლამენტში, რათა მათ ჩვენი შეშფოთება იცოდნენ!“ - განაცხადა ჩიკუმ.
ცნობისთვის, 1 მოლდოვური ლეი 0.057 დოლარის ტოლია, საშუალო ხელფასი (მოლდოვის სტატისტიკის სამსახურის მონაცემების თანახმად) კი იმდენივეა, რამდენიც საქართველოში (საქართველოს სტატისტიკის ეროვნული სამსახურის მონაცემებით).
