მოსკოვის სასამართლომ ქართული ლეგიონის წევრებს პატიმრობა მიუსაჯა. ინფორმაციას "Медиазона" ავრცელებს.

საქმის მოსმენა 3 მარტს გაიმართა, თუმცა ინფორმაცია სასამართლოს ფაილებში გუშინ გამოჩნდა.

მოსკოვის ბასმანის რაიონულმა სასამართლომ დაკავების განაჩენი დაუსწრებლად მიიღო და მებრძოლებს 30 წლით თავისუფლების აღკვეთა მიუსაჯა.

მოსკოვში მებრძოლებს რუსეთ-უკრაინის ომში დაქირავებულ მონაწილეობას ედავებიან.

ქართული ლეგიონის წევრები უკრაინის შეიარაღებული ძალების მხარეს იბრძვიან, ჯგუფი ძირითადად ყოფილი ქართველი სამხედროებისგან შედგება, რომლებსაც შეიარაღებული კონფლიქტების გამოცდილება აქვთ.

უკრაინაში რუსეთის წინააღმდეგ საქართველოს 2 000-მდე მოქალაქე იბრძვის, უმეტესობა ქართული ლეგიონის წევრია.

ჯგუფის მეთაურმა, Current Time-თან ინტერვიუში განაცხადა, რომ ქართული ლეგიონი უკრაინაში ყველაზე დიდი უცხოური ფორმირებაა.