რუსეთის ფედერაციის სარატოვის ოლქი დრონების მასშტაბური შეტევის სამიზნე გახდა. ადგილობრივი ხელისუფლებისა და თვითმხილველების ინფორმაციით, დარტყმები განხორციელდა ქალაქ სარატოვსა და მის მიმდებარედ მდებარე ქალაქ ენგელსზე, სადაც რუსეთის სტრატეგიული ავიაციის მნიშვნელოვანი სამხედრო აეროდრომია განთავსებული.
თავდასხმა, ძირითადად, ენგელსის სამხედრო აეროდრომისა და სარატოვის საცხოვრებელი თუ სამრეწველო ინფრასტრუქტურის მიმართულებით განხორციელდა. სოციალურ ქსელებში ვრცელდება კადრები, სადაც ჩანს აფეთქებების ხმა და ქალაქის თავზე ხანძარი.
რუსული მხარის განცხადებით, მუშაობდა საჰაერო თავდაცვის სისტემები, რომლებმაც, ოფიციალური ცნობების მიხედვით, დრონების უმეტესი ნაწილის ჩამოგდება შეძლეს. თუმცა, ჩამოვარდნილი ნამსხვრევების შედეგად დაზიანდა რამდენიმე შენობა.
ოფიციალური ინფორმაციით, ინციდენტის შედეგად დაშავებულთა ზუსტი რაოდენობა ჯერჯერობით ზუსტდება, თუმცა ადგილობრივი გუბერნატორის თქმით, არის დაზიანებები საცხოვრებელ სექტორში.
სარატოვის ოლქი, რომელიც უკრაინის საზღვრიდან ასობით კილომეტრში მდებარეობს, ბოლო პერიოდში არაერთხელ გახდა მსგავსი ტიპის თავდასხმების ადგილი. ენგელსის სამხედრო აეროდრომი განსაკუთრებით მნიშვნელოვანი სტრატეგიული ობიექტია, საიდანაც რუსული ძალები ხშირად ახორციელებენ საჰაერო ოპერაციებს.
