მივესალმები შეერთებულ შტატებსა და ირანს შორის მიღწეულ შეთანხმებას, რომელიც დიპლომატიური ძალისხმევის შედეგია და რომელშიც რამდენიმე პარტნიორმა შეიტანა წვლილი, - ამის შესახებ საფრანგეთის პრეზიდენტი ემანუელ მაკრონი სოციალურ ქსელში წერს.
მაკრონის თქმით, საფრანგეთი მზად არის, სრულად შეასრულოს თავისი როლი პარტნიორებთან ერთად.
"მივესალმები შეერთებულ შტატებსა და ირანს შორის მიღწეულ შეთანხმებას, რომელიც დიპლომატიური ძალისხმევის შედეგია და რომელშიც რამდენიმე პარტნიორმა შეიტანა წვლილი. მოვუწოდებ ყველა მხარეს მის სწრაფ და სრულ განხორციელებისკენ.
ამ შეთანხმებამ უნდა უზრუნველყოს ჰორმუზის სრუტის დაუყოვნებელი და უპირობო ხელახლა გახსნა, რასაც მხარს დაუჭერს გაერთიანებული სამეფოსთან ერთად შექმნილი საერთაშორისო მისია. რესურსები უკვე მზად არის და განლაგებისთვის გამზადებულია. საზღვაო მიმოსვლის აღდგენა ყოველგვარი შეზღუდვისა და გადასახადის გარეშე არის აუცილებელი პირობა რეგიონული სტაბილურობისა და გლობალური ეკონომიკისთვის.
ეს შეთანხმება ასევე გზას უხსნის ყოვლისმომცველ მოლაპარაკებებს ახლო აღმოსავლეთში მშვიდობისა და უსაფრთხოების უზრუნველსაყოფად. ისინი უნდა შეეხოს ირანის ბირთვულ და ბალისტიკურ პროგრამებთან დაკავშირებულ საკითხებს, ასევე მის რეგიონული დესტაბილიზაციის პოლიტიკას. სწორედ ასე იქნება შესაძლებელი მყარი და მდგრადი მშვიდობის აშენება. საფრანგეთი მზად არის, სრულად შეასრულოს თავისი როლი პარტნიორებთან ერთად.
ასევე გააგრძელებს სრულ მხარდაჭერას ლიბანის ხელისუფლების მტკიცე ძალისხმევისთვის სახელმწიფოს სუვერენიტეტის აღდგენის მიმართულებით, რაც ერთადერთია, რაც უზრუნველყოფს ლიბანის სტაბილურობასა და ტერიტორიულ მთლიანობას და დააკმაყოფილებს მოსახლეობის საჭიროებებს. ამ მიზნისთვის აუცილებელია მყარი და მდგრადი ცეცხლის შეწყვეტა", - წერს მაკრონი.
Je salue l’accord conclu entre les États-Unis et l’Iran, fruit d’un effort diplomatique auquel ont contribué plusieurs partenaires. J’appelle à sa mise en œuvre rapide et complète par tous les belligérants.
— Emmanuel Macron (@EmmanuelMacron) June 14, 2026
Cet accord doit permettre la réouverture urgente et inconditionnelle…
