დიდი ბრიტანეთის მთავრობამ მიიღო გადაწყვეტილება, რომლის თანახმადაც, ლონდონი კრძალავს დასავლეთ სანაპიროზე მდებარე ისრაელის დასახლებებში წარმოებული საქონლის იმპორტს.
აღნიშნული ზომა მიმართულია იმ პროდუქციის წინააღმდეგ, რომელიც საერთაშორისო სამართლის მიხედვით ოკუპირებულ ტერიტორიებზეა დამზადებული. ბრიტანეთის მთავრობის განცხადებით, ეს ნაბიჯი პალესტინის ტერიტორიებზე არსებული ვითარებისა და საერთაშორისო ნორმების დაცვისკენ არის მიმართული.
შეზღუდვა ვრცელდება ისრაელის დასავლეთ სანაპიროს დასახლებებში წარმოებულ სხვადასხვა სახის საქონელზე, მათ შორის, სასოფლო-სამეურნეო პროდუქციასა და სამომხმარებლო საქონელზე.
ოფიციალურმა თელ-ავივმა მკაცრად დაგმო ლონდონის ეს გადაწყვეტილება. ისრაელის საგარეო საქმეთა სამინისტრომ აღნიშნა, რომ ეს ნაბიჯი დისკრიმინაციულია და ხელს არ უწყობს რეგიონში მშვიდობიანი დიალოგის წარმართვას.
ბრიტანეთის ეს გადაწყვეტილება ევროპული ქვეყნების მიერ ოკუპირებულ ტერიტორიებთან დაკავშირებული სავაჭრო პოლიტიკის გამკაცრების მორიგი მაგალითია, რასაც უფლებადამცველი ორგანიზაციები დადებითად აფასებენ, ხოლო ისრაელის მოკავშირეები კრიტიკულად უყურებენ.
უახლოეს პერიოდში მოსალოდნელია, რომ სავაჭრო უწყებები ახალი რეგულაციების აღსრულების დეტალებს დააკონკრეტებენ.
