ჯორჯიის შტატში, სკოლაში სროლის შედეგად, სულ მცირე, ოთხი ადამიანია დაღუპული. ინფორმაციას ამის შესახებ „სიენენი“ ავრცელებს.
ამ დროის მონაცემებით, დაჭრილია 30-მდე ადამიანი.
როგორც ცნობილია ეჭვმიტანილი უკვე დაკავებულია, თუმცა, მისი ვინაობა და თავდასხმის მოტივი უცნობია. მომხდარზე მიმდინარეობს გამოძიება.
შემთხვევას გამოეხმაურა თეთრი სახლიც. როგორც განცხადებაშია ნათქვამი, აშშ-ის პრეზიდენტი ჯო ბაიდენი მომხდარის შესახებ ინფორმირებულია და პრეზიდენტის ადმინისტრაცია გააგრძელებს კოორდინაციას ფედერალებთან და ადგილობრივ მაღალჩინოსნებთან დამატებითი ინფორმაციის მისაღებად.
თარგმანი: პირველი არხი
