ისრაელის თავდაცვის მინისტრ იოავ გალანტის ცნობით, არმიამ ქალაქ ღაზას ცენტრამდე მიაღწია.
"არმიის ჯარისკაცები ღაზას გულში იმყოფებიან", – განაცხადა მან.
გალანტმა ქალაქს „ტერორისტების ერთი დიდი ბაზა" უწოდა და თქვა, რომ მის დემონტაჟს განაგრძობენ.
თავდაცვის მინისტრის თქმით, ისრაელს ომი თავს მოახვიეს და ამ ომს მიზნის მიღწევამდე ვერ შეწყვეტენ.
ისრაელს მიზნად გამოცხადებული აქვს „ჰამასის" სრულად განადგურება.
იოავ გალანტმა დაადასტურა ისრაელის მთავრობის პოზიცია, რომ ღაზას სექტორში ჰუმანიტარული პაუზა არ გამოცხადდება „ჰამასის" მიერ მძევლების გათავისუფლების გარეშე.
რამდენიმე დღით ადრე, ისრაელის არმიის სარდლობამ განაცხადა, რომ ქალაქი სრულ ალყაში მოაქციეს.
