ლუქსემბურგში, მინიმალური ხელფასი არა მხოლოდ შენარჩუნდება, არამედ მისი გადახედვა და მომატებაც იგეგმება. ბოლო თვეების განმავლობაში, ლუქსემბურგში, აქტიური დებატები გამოიწვია ევროპულმა დირექტივამ „ადეკვატური მინიმალური ხელფასის“ შესახებ. აღნიშნული დირექტივა ითვალისწინებს, რომ მინიმალური ანაზღაურება ქვეყნის მედიანური ხელფასის 60%-ს, ან საშუალო ხელფასის 50%-ს შეადგენდეს.
დღეისათვის ლუქსემბურგში მინიმალური სოციალური ხელფასი შეადგენს:
• 2 703,74 ევროს (ბრუტო) თვეში არაკვალიფიციური მუშაკებისთვის;
• 3 244,48 ევროს (ბრუტო) კვალიფიციური კადრებისთვის.
ამ ევროპული დირექტივის პრაქტიკაში გამოყენება მინიმალური ხელფასის კიდევ უფრო მნიშვნელოვან ზრდას გამოიწვევს. ლუქსემბურგის ხელოსანთა ფედერაციამ (Fda) ცოტა ხნის წინ მინიმალური ხელფასის გაუქმების ინიციატივაც კი დააყენა, რასაც დეპუტატთა პალატაში მწვავე რეაქცია და დაპირისპირება მოჰყვა.
