გერმანული პრესა „ჩრდილოეთის ნაკადი 2"-ის აფეთქების გამოძიების საქმეში მიღწეული გარღვევის შესახებ წერს. ARD-ს (გერმანიის რეგიონალური სამაუწყებლო ორგანიზაციების გაერთიანება) ცნობით, არ არსებობს მტკიცებულება, რა მიზეზების გამო მოხდა აფეთქება, მაგრამ არსებობს კვალი და მას უკრაინისკენ მივყავართ.
ARD-ის დედაქალაქის სტუდიამ, ARD პოლიტიკურმა ჟურნალმა Contraste-მა, SWR-მა და ZEIT-მა ერთობლივი კვლევით დიდწილად მოახერხეს რეკონსტრუქცია, თუ როგორ და როდის მომზადდა Nord Stream გაზსადენის აფეთქება. კვალი უკრაინისკენ მიდის, თუმცა გამომძიებლებს ჯერ არ უპოვიათ რაიმე მტკიცებულება იმის შესახებ, თუ ვინ გასცა ბრძანება გაზსადენის აფეთქების შესახებ, რომლის შედეგადაც 2022 წლის 26 სექტემბრის ღამეს მწყობრიდან გამოვიდა ბალტიის ზღვის ფსკერზე გამავალი „ჩრდილოეთის ნაკადი 1"-ის და „ჩრდილოეთის ნაკადი 2"-ის გაზსადენების ოთხიდან სამი განშტოება, - წერს tagesschau.
კერძოდ, ARD-ის დედაქალაქის სტუდიის, ARD-ის პოლიტიკურ ჟურნალ Contraste-ს, SWR-ის და ZEIT-ის ინფორმაციით, გამომძიებლებმა შეძლეს ნავის იდენტიფიცირება, რომელიც, სავარაუდოდ, საიდუმლო ოპერაციისთვის გამოიყენებოდა. ამბობენ, რომ ეს არის პოლონეთში დაფუძნებული, როგორც ჩანს, ორი უკრაინელის კუთვნილი კომპანიისგან იჯარით აღებული იახტა. გამომძიებლების თქმით, ზღვაზე საიდუმლო ოპერაცია ხუთი მამაკაცისა და ერთი ქალისგან შემდგარმა ჯგუფმა ჩაატარა.
ჯგუფი, რომელმაც ასაფეთქებელი მასალა ადგილამდე მიიტანა და ჩადო, შედგებოდა კაპიტნის, ორი მყვინთავის, ორი მყვინთავის დამხმარის და ექიმისგან. მათი ეროვნება გაურკვეველია. მათ ჰქონდათ პროფესიონალურად დამზადებული ყალბი პასპორტები, რომლებიც, სავარაუდოდ, ნავის დასაქირავებლად გამოიყენეს.
გამომძიებლების თქმით, ჯგუფმა როსტოკი დატოვა 2022 წლის 6 სექტემბერს. ფარული ოპერაციისთვის განკუთვნილი აღჭურვილობა ნავსადგურში ადრე სატვირთო მანქანებით იყო მიტანილი. გამოძიების თანახმად, გამომძიებლებმა მოგვიანებით შეძლეს დაედგინათ, რომ ნავის პოვნა მეორე დღეს დარსში იყო, შემდეგ კი დანიის კუნძულ კრისტიანსოზე, ბორნჰოლმის ჩრდილო-აღმოსავლეთით. შემდეგ იახტა გაუსუფთავებულ მდგომარეობაში დაუბრუნეს მფლობელს. გამოძიების ინფორმაციით, გამომძიებლებმა სალონში მაგიდაზე ასაფეთქებელი ნივთიერების კვალი აღმოაჩინეს.
აფეთქებიდან მალევე, დასავლეთის სპეცსამსახურებმა მიანიშნეს პარტნიორ სამსახურებს, რომ აფეთქებასთან კავშირი იახტას შეიძლება ჰქონოდა, შემდეგ კი მოპოვებული იქნა დამატებითი სადაზვერვო მონაცემები, რომლებიც მიუთითებდნენ, რომ აფეთქებაზე პასუხისმგებელი პროუკრაინული დაჯგუფება შეიძლება ყოფილიყო.
ARD-Hauptstadtstudios, ARD-Politikmagazins "Kontraste", SWR და ZEIT, აფეთქების გამოძიებაში ჩართულ აშშ-ის, გერმანიის, ნიდერლანდების, დანიის და შვედეთის უსაფრთხოების სამსახურებთან დაკავშირების შემდეგ წერენ, რომ გამომძიებლებმა ჯერ შეძლეს დაედგინათ, ვინ შეუკვეთა აფეთქება. უსაფრთხოების საერთაშორისო თანამშრომლები არ გამორიცხავენ, რომ ეს იყო ოპერაცია „ცრუ დროშის" ქვეშ, რაც ნიშნავს, რომ კვალი მიზანმიმართულად ისე დაედო, რომ დამნაშავედ უკრაინა ყოფილიყო მიჩნეული.
თავდაპირველად უკრაინის ხელისუფლებისგან კომენტარის მიღება ვერ მოხერხდა. ARD, Contraste, SWR და ZEIT-ის თხოვნის საპასუხოდ უკრაინის პრეზიდენტის მრჩეველმა მიხაილო პოდოლიაკმა თქვა, რომ უკრაინას „რა თქმა უნდა არაფერი აქვს საერთო Nord Stream 2-ზე თავდასხმებთან."
აშშ-ს მთავრობის უსახელო ოფიციალურ პირებზე დაყრდნობით „ნიუ-იორკ ტაიმსის" მიერ გავრცელებული ინფორმაციის თანახმად, აშშ-ს სადაზვერვო სააგენტოებმა მიიღეს ახალი მტკიცებულება იმისა, რომ აფეთქებაზე პასუხისმგებელი პროუკრაინული ჯგუფია. ამასთან, არ არსებობს არანაირი მტკიცებულება, რომ უკრაინის პრეზიდენტი ვოლოდიმირ ზელენსკი ან მასთან დაახლოებული პირები არიან დაკავშირებული აფეთქებასთან. აშშ-ს დაზვერვის ვარაუდით, დამნაშავეები რუსეთის პრეზიდენტ ვლადიმერ პუტინის ოპონენტები არიან. თუმცა ეს არ იძლევა რაიმე დასკვნების გაკეთების საშუალებას არც ჯგუფის წევრებზე და არც იმაზე, თუ ვინ შეუკვეთა ან გადაიხადა.
