გამოცემა Financial Times-ის (FT) ინფორმაციით, ამერიკელმა მილიარდერმა და კომპანია SpaceX-ის დამფუძნებელმა, ილონ მასკმა განაცხადა, რომ თანახმაა, უკრაინამ რუსეთის ტერიტორიაზე დარტყმების განსახორციელებლად Starlink-ის თანამგზავრული ინტერნეტსისტემა გამოიყენოს.
გამოცემის ცნობით, აღნიშნული გადაწყვეტილება მნიშვნელოვან ცვლილებას წარმოადგენს, რადგან ადრე მასკი მკაცრად ზღუდავდა სისტემის გამოყენებას სამხედრო ოპერაციებისათვის, რათა კონფლიქტის ესკალაცია და რუსეთთან პირდაპირი დაპირისპირება თავიდან აეცილებინა.
ახალი პოზიცია, შესაძლოა, გადამწყვეტი ფაქტორი აღმოჩნდეს უკრაინული ძალების საკომუნიკაციო და საბრძოლო შესაძლებლობების გაძლიერებისთვის, განსაკუთრებით მაშინ, როდესაც ფრონტზე ვითარება კვლავ რთული და დაძაბულია.
