ევროპელმა პარტნიორებმა და ევროკავშირის წევრმა სახელმწიფოებმა, 2026 წლის დასაწყისიდან, უკრაინისთვის გაწეული ყოვლისმომცველი – სამხედრო, ფინანსური და ჰუმანიტარული – დახმარების მასშტაბები კიდევ უფრო გაზარდეს. ეს ნაბიჯი მიმართულია ქვეყნის თავდაცვისუნარიანობის განმტკიცებისა და გრძელვადიანი სტაბილურობის უზრუნველყოფისკენ.
ევროპული ქვეყნები აგრძელებენ უკრაინისთვის თანამედროვე საჰაერო თავდაცვის სისტემების, არტილერიის, საბრძოლო მასალებისა და ჯავშანტექნიკის მიწოდებას. განსაკუთრებული ყურადღება ეთმობა თავდაცვითი პოტენციალის შენარჩუნებას რეგიონული ესკალაციის ფონზე.
გამოყოფილი ფონდები პირდაპირ ხმარდება უკრაინის სახელმწიფო ბიუჯეტის დეფიციტის დაფარვას, კრიტიკული ინფრასტრუქტურის აღდგენით სამუშაოებსა და სოციალური ვალდებულებების შესრულებას (მათ შორის, პენსიებისა და ხელფასების უზრუნველყოფას).
მუდმივი სარაკეტო დარტყმების შედეგად დაზიანებული ენერგოსისტემის აღსადგენად ევროპელი დონორები აწვდიან გენერატორებს, ტრანსფორმატორებს და სხვა ტექნიკურ აღჭურვილობას, ასევე ეხმარებიან იძულებით გადაადგილებულ პირებს.
