ესპანეთის რამდენიმე დიდ ქალაქში ფართომასშტაბიანი საპროტესტო გამოსვლები გაიმართა. ათასობით მოქალაქე ქუჩებში გამოვიდა ქვეყანაში არალეგალური მიგრაციის ზრდისა და აფრიკიდან მომდინარე მიგრაციული ნაკადების წინააღმდეგ პროტესტის ნიშნად.
დემონსტრაციის დაწყებას საფუძვლად დაედო ესპანეთის ანკლავში, სეუტაში, არალეგალური მიგრანტების მასობრივი შეჭრის ბოლო ინციდენტები. აქციის მონაწილეები მთავრობისგან საზღვრების მკაცრ დაცვას და მიგრაციული პოლიტიკის გამკაცრებას მოითხოვენ.
შეკრებილები აცხადებენ, რომ არსებული მდგომარეობა ეროვნული უსაფრთხოებისა და საზოგადოებრივი წესრიგის რისკებს ზრდის. ისინი ადგილობრივი ხელისუფლებისა და ევროკავშირის სტრუქტურებისგან საგანგებო ზომების მიღებას ითხოვენ.
აქციები მშვიდობიან ვითარებაში მიმდინარეობდა, თუმცა წესრიგის დასაცავად ქალაქების ცენტრალურ ქუჩებზე პოლიციის გაძლიერებული ძალები იყო მობილიზებული.
მიგრაციული კრიზისი და საზღვრების დაცვის საკითხი ესპანეთში კვლავ რჩება ერთ-ერთ მთავარ პოლიტიკურ და სოციალურ გამოწვევად, რომელიც საზოგადოებაში დიდ განხეთქილებასა და მწვავე დებატებს იწვევს.
