აზერბაიჯანული მედიის ცნობით, აშშ-ის პრეზიდენტის მონაწილეობით შემუშავებულ ერთობლივ დეკლარაციაში მხარეები მტკიცედ უარყოფენ და გამორიცხავენ შურისძიების ნებისმიერ მცდელობას მომავალში.
„ჩვენ ვაღიარებთ, რომ აუცილებელია ნათელი მომავლისკენ სვლა, რომელიც თავისუფალია წარსული კონფლიქტების მარწუხებისგან, გაეროს ქარტიისა და 1991 წლის ალმათის დეკლარაციის შესაბამისად. კონფლიქტის შემდეგ, რომელმაც გამოიწვია ღრმა ადამიანური ტანჯვა, როგორც იქნა შეიქმნა პირობები ჩვენი სახელმწიფოებისთვის, რათა დაიწყონ კეთილმეზობლური ურთიერთობების დამყარება საერთაშორისოდ აღიარებული საზღვრების ურღვეობისა და ტერიტორიის მოსაპოვებლად ძალის გამოყენების დაუშვებლობაზე დაყრდნობით. ეს არის რეალობა, რომელიც არ ექვემდებარება გადახედვას და არასდროს გადაიხედება, გზას უხსნის ჩვენს სახელმწიფოებს შორის მტრობის გვერდის დახურვას. ჩვენ მტკიცედ უარვყოფთ და გამოვრიცხავთ შურისძიების ნებისმიერ მცდელობას ახლაც და მომავალშიც“, - ნათქვამია დეკლარაციაში.
