აშშ-ს პრეზიდენტმა, დონალდ ტრამპმა შაბათს განაცხადა, რომ ჩინური ინვესტიციები ვენესუელის ნავთობის სექტორში „მისასალმებელია“. მისი თქმით, ეს შესაძლოა დაეხმაროს სამხრეთამერიკულ ქვეყანას ეკონომიკის აღდგენაში. აღნიშნული განცხადება გაკეთდა იმ ფონზე, როდესაც შეერთებულმა შტატებმა, საერთაშორისო სამართლის მიუხედავად, დააკავა ვენესუელის პრეზიდენტი ნიკოლას მადურო.
ვენესუელას მსოფლიოში ნავთობის ყველაზე დიდი დადასტურებული მარაგები აქვს. ამასთან, ხუთშაბათს ქვეყანამ, აშშ-ის ზეწოლის პირობებში, ცვლილებები შეიტანა კანონში, რის შედეგადაც ნავთობის სექტორი კერძო ინვესტორებისთვის გაიხსნა.
