გაერთიანებული სამეფო უკრაინისთვის სესხის სახით 2,26 მილიარდი გირვანქა სტერლინგს (2,94 მილიარდი აშშ დოლარი) გამოუყოფს, რომელიც გაყინული რუსული აქტივებიდან მიღებული შემოსავლით დაიფარება. ამის შესახებ ინფორმაციას გაერთიანებული სამეფოს მთავრობა ავრცელებს.
მისი ცნობით, ეს თანხა არის ბრიტანეთის წილი უკრაინისთვის 50 მილიარდი აშშ დოლარის დახმარების პაკეტიდან, რომელზედაც „დიდი შვიდეულის“ ქვეყნები შეთანხმდნენ. უკრაინას ექნება შესაძლებლობა, აღნიშნული 2,26 მილიარდი საჰაერო თავდაცვის სისტემების, არტილერიისა და სხვა იარაღის შესყიდვის დასაფინანსებლად გამოიყენოს.
