ასეთი განცხადება ინგლისის ყოფილმა პრემიერ-მინისტრმა ბორის ჯონსონმა „ბიბისისთან“ინტერვიუში გააკეთა.
ყოფილმა პრემიერ-მინისტრმა ბორის ჯონსონმა განაცხადა, რომ დიდმა ბრიტანეთმა და მისმა მოკავშირეებმა დაუყოვნებლივ უნდა განათავსონ არასაბრძოლო ჯარები უკრაინაში, რათა რუსეთის პრეზიდენტ ვლადიმერ პუტინის თავში „გადამრთველი გადაატრიალონ“.
ლორა კუენსბერგისთვის შეიარაღებული ძალების ყოფილ უფროსთან, ადმირალ სერ ტონი რადაკინთან ერთად მიცემულ ინტერვიუში ჯონსონმა განაცხადა, რომ ჯარები არასაბრძოლო მისიებისთვის მშვიდობიან რეგიონებში უნდა გაიგზავნოს.
„თუ გვაქვს გეგმა ომის შემდეგ ჯარების განლაგების შესახებ, მას შემდეგ, რაც პუტინი მოწყალებრივად დათანხმდება ცეცხლის შეწყვეტას, მაშინ რატომ არ უნდა გავაკეთოთ ეს ახლა?“
ამჟამად, დიდი ბრიტანეთის მთავრობა თავის მოკავშირეებთან ერთად მუშაობს „მსურველთა კოალიციის“ დაგეგმვაზე, რომელიც უზრუნველყოფს ძალებს უკრაინაში მშვიდობისა და სტაბილურობის შესანარჩუნებლად, მაგრამ მხოლოდ იმ შემთხვევაში, თუ მიღწეული იქნება შეთანხმება ომის დასრულების შესახებ.
ბორის ჯონსონმა, რომელიც შეჭრის დროს პრემიერ-მინისტრი იყო, ასევე განაცხადა, რომ კონფლიქტის თავიდან აცილება შესაძლებელი იქნებოდა, თუ დასავლელი მოკავშირეები პუტინის მზარდი აგრესიისა და 2014 წელს ყირიმის ანექსიის მიმართ მეტ ყურადღებას გამოიჩენდნენ.
უკრაინული სააგენტოები ჯონსონის ამ ინტერვიუს შესახებ მასალის სათაურში ჯარების დაუყოვნებლივ გაგზავნის შესახებ საუბრობენ და მხოლოდ ტექსტში აზუსტებენ, რომ ჯონსონი „მშვიდობიან რეგიონებში“ „არასაბრძოლო ჯარების“ გაგზავნაზე საუბრობდა.
