ბელგიის პრემიერ-მინისტრი ბარტ დე ვევერი შეერთებული შტატების პრეზიდენტს, დონალდ ტრამპს აკრიტიკებს.
„ჩვენ არ გვინდა „ევროპა უპირველეს ყოვლისა“ და მით უმეტეს არ გვინდა – „მხოლოდ ევროპა“. პირადად მე, სლოგანს „შექმნილია ევროპასთან ერთად“ ვამჯობინებ სლოგანს „შექმნილია ევროპაში“. მოდით, არ გავიმეოროთ სხვა ადამიანის სისულელე“, – განაცხადა ბარტ დე ვევერმა.
ამასთან, ბელგიის პრემიერ-მინისტრმა ისაუბრა ჩინეთიდან ევროპაში ექსპორტირებულ პროდუქციაზე და აღნიშნა, რომ ეს ევროპის ბაზარს აზიანებს.
„ჩვენ არ შეგვიძლია, მშვიდად ვუყუროთ, როდესაც სხვა ქვეყნები, მაგალითად ჩინეთი, აზიანებენ ჩვენს ბაზარს თავიანთი პროდუქციით“, – აღნიშნა ბელგიის პრემიერმა.
ბარტ დე ვევერმა თქვა, რომ საჭიროა სხვადასხვა სანდო პარტნიორები ენერგიის, ნედლეულისა და თავდაცვის სფეროებში.
როგორც ბელგიის პრემიერ-მინისტრმა განმარტა, აუცილებელია ძლიერი ინდუსტრია, წინააღმდეგ შემთხვევაში ევროპა გახდება ღარიბი და უმნიშვნელო.
თარგმანი: პირველი არხი
