ისტორიაში პირველად, ოქროს ფასმა 3 000 დოლარს გადააჭარბა.
BBC-ს ცნობით, ძვირფას ლითონზე მოთხოვნა გლობალური სავაჭრო ომის გავლენით გამოწვეული ეკონომიკური გაურკვევლობის ფონზე იზრდება.
ოქროს ღირებულებამ 13 მარტს რეკორდულ ნიშნულს მიაღწია – 3,004.86 დოლარს უნციაზე.
ოქროს ფასმა 2025 წლის დასაწყისიდან დღემდე 14%-ით მოიმატა.
BBC-ს ცნობით, ოქრო ინვესტორებისთვის უსაფრთხო აქტივად ითვლება და ეკონომიკური არასტაბილურობის პერიოდებში მასზე მოთხოვნა იზრდება.
ანალიტიკოსების შეფასებით, ოქროს გაძვირება ნაწილობრივ აშშ-სა და მის უმსხვილეს სავაჭრო პარტნიორებს შორის დაძაბულობას უკავშირდება.
ოქროს გაძვირების კიდევ ერთ ფაქტორად ეროვნული ბანკების მიერ ოქროს შესყიდვა სახელდება, თუმცა ამის ზუსტი მიზეზების განსაზღვრა რთულია.
BBC-ს მიხედვით, სავარაუდოდ, ერთ-ერთი მიზეზი შესაძლოა, იყოს რეზერვების ამერიკული დოლარისგან დივერისფიცირების სურვილი.
