აშშ-ის წარმომადგენლობითი პალატის ზედამხედველობის კომიტეტის დემოკრატიული პარტიის მაღალჩინოსანმა წევრმა, შესაძლოა, გამოიძიოს ცნობები იმის შესახებ, რომ დონალდ ტრამპ-უმცროსის ქორწილის ნაწილი ვლადიმერ პუტინთან დაახლოებულმა რუსმა მეწარმემ, უმარ კრემლიოვმა დააფინანსა. ამის შესახებ Axios წერს.
წინა დღეს, წარმომადგენლობითი პალატის წევრმა კალიფორნიიდან, რობერტ გარსიამ, წერილი გაუგზავნა თეთრი სახლის აპარატის ხელმძღვანელს სუზი უაილზს.
"ზედამხედველობის კომიტეტის დემოკრატები იძიებენ მრავალფეროვან გზებს, რომელთა საშუალებითაც ტრამპის ოჯახი პრეზიდენტ დონალდ ტრამპთან სიახლოვის გამოყენებით გამდიდრებას ცდილობდა", — განაცხადა მან.
ტრამპ-უმცროსისადმი მიწერილ სხვა წერილში მან აღნიშნა, რომ გამოცემა ProPublica-ს გამოძიება მისი ქორწილის დაფინანსებაში კრემლიოვის როლის შესახებ, შესაძლოა, "ყველაზე სერიოზული ბრალდება იყოს" აშშ-ის პრეზიდენტის შვილის წინააღმდეგ დღეის მდგომარეობით.
Axios აღნიშნავს: თუ დემოკრატები წარმომადგენლობით პალატაზე კონტროლს მოიპოვებენ მომავალი 3 ნოემბრის შუალედურ არჩევნებზე, გარსია, სავარაუდოდ, კონგრესის მთავარი გამომძიებელი გახდება.
"ეს გამოძიება საკმაოდ მკაფიო წარმოდგენას იძლევა იმის შესახებ, თუ რა მიმართულებით იმოქმედებს ის ამ პოზიციაზე", — განმარტავს გამოცემა.
