ამის შესახებ ინფორმაციას ავსტრიული გამოცემა heute ავრცელებს.

საგადასახადო ინსპექცია დავალიანების ამოღებას სრული პასუხისმგებლობით ეკიდება, თუმცა ზოგჯერ მისი სიბეჯითე ღიმილს იწვევს, - წერს heute და მკითხველს მეტად უცნაური ისტორიის შესახებ მოუთხრობს.

ავსტრიაში წერილის Eco-Brief ფორმით (არასასწრაფო წესით გაგზავნილი წერილი, რომელიც ადრესატის საფოსტო ყუთში 2-3 სამუშაო დღის შემდეგ ხვდება - „აიპრესი") გაგზავნა 95 ევროცენტი ღირს. ვენის 21-ე რაიონში მცხოვრები 83 წლის ჰანსის სავარაუდო ვალს მისთვის გაგზავნილი წერილის ხარჯი (პასუხისმგებელი კლერკის დატვირთვის და ქაღალდისა და ბეჭდვის ხარჯების გარეშე!) 48-ჯერ აღემატება.

ჰანსი heute-ს მოუთხრობს, რომ 2018 წელს გარდაიცვალა მისი ახალგაზრდობის საუკეთესო მეგობრის დედა, რომელზედაც იგი 13 წელი ინტენსიურად ზრუნავდა და ამ ქალმა ანდერძში სხვა სამ პირთან ერთად ისიც მემკვიდრედ დაასახელა. სამემკვიდრეო საქმის დასრულების შემდეგ საგადასახადო სამსახურში საქმე დაიხურა მისი და ამავდროულად, სხვა მემკვიდრეების საგადასახადო კონსულტანტის მეშვეობით და ამით ეს ისტორია დასრულდა.

ახლახან მიღებულმა წერილმა ძველი იარები გააცოცხლა. ფინანსური განყოფილებისგან მიღებულ წერილში მე, როგორც სხვა მემკვიდრეების წარმომადგენელს, მწერენ, რომ დარჩენილია დავალიანება 2 ევროცენტი და მთხოვენ აღნიშნული თანხის ერთი თვის განმავლობაში გადახდას. მე ან სხვა მემკვიდრეები არაფერს არ გადავრიცხავთ და ახლა ველოდები შეხსენებას, რამდენი მაქვს ვალი ამჯერად უკვე დაგვიანებისთვის დარიცხულ პროცენტთან ერთად. საინტერესოა როგორ დაითვლიან. ბიუროკრატიული კვნესა. უაღრესად განვითარებული მონაცემთა ცენტრების ეპოქაში, პროგრამისტს უნდა შეეძლოს ავტომატურად ჩამოწეროს ასეთი წვრილმანი თანხები, - ამბობს 83 წლის პენსიონერი.

ფინანსთა სამინისტრომ heute-ს განუმარტა, რომ ბოლო წლებში მნიშვნელოვნად გაიზარდა ელექტრონული სახით მოქალაქეებთან კომუნიკაციის მოცულობა და შემცირდა საფოსტო ხარჯები. ამ კონკრეტულ შემთხვევასთან დაკავშირებით კი დააზუსტა, რომ ასეთ მცირე თანხებზე დამატებით შეტყობინების გაგზავნა და პროცენტის დარიცხვა არ ხდება. თანხა დავალიანების სახით რჩება ანგარიშზე და ჩამოიწერება ან გაიქვითება იმ შემთხვევაში, თუ ამ ანგარიშზე რაიმე ახალი ოპერაცია განხორციელდება.

ასე რომ, დავალიანების განსაზღვრულ დროში გადაუხდელობის შემთხვევაში ჰანს ვალის შესახებ დამატებითი არ შეახსენებენ და პროცენტებს არ დაარიცხავენ, - წერს heute.