კახა კალაძე: მადლობას ვუხდი ყველას, ვინც გუდიაშვილის მოედანს წლების განმავლობაში იცავდა

"მინდა მადლობა გადავუხადო ყველა იმ ადამიანს, ვინც წლების განმავლობაში სხვადასხვა ფორმით იცავდა ამ კონკრეტულ მოედანს, შენობა-ნაგებობებს, რომლითაც პირობას გაძლევთ, ძალიან მალე, თითოეული ჩვენთაგანი იამაყებს", – ამის შესახებ დედაქალაქის მერმა კახა კალაძემ გუდიაშვილის მოედნის რეაბილიტაციის პროექტის პრეზენტაციაზე განაცხადა.

"თბილისი ყოველთვის იყო და არის მრავალფეროვანი ქალაქი, თბილისი ყოველთვის იყო მოვლენების ეპიცენტრი, საქართველოს დამოუკიდებლობის უახლოეს ისტორიას თუ გადავხედავთ, ის ცუდი რაღაცეები, რაც ხდებოდა, კარგიც, თბილისი იყო ყოველთვის მისი დასაწყისი და დასასრული. 

ჩვენ დღეს აქ შევიკრიბეთ იმისთვის, რომ ის სიმდიდრე, რომელიც ამ ქალაქს გააჩნია, მოვაწესრიგოთ, მოვუაროთ და გადავცეთ ჩვენს მომავალ თაობებს. 

მე მინდა დღეს გუდიაშვილის მოედნიდან, მივმართო ყველა ხელოვნებათ მცოდნეს, რესტავრატორს, ყველა იმ ადამიანს, ვისაც მართლა ძალიან დიდი სურვილი აქვს იმის, რომ ეს სიმდიდრე, რასაც ძველი თბილის ჰქვია, ის ძეგლები რითაც ჩვენ ვამაყობთ, მოვუაროთ თითოეულ ეზოს, აივანს, ჭიშკარს, რომ შევინარჩუნოთ. ჩვენი კარი არის ღია ყველა ადამიანისთვის და ერთად განვახორციელოთ ის მნიშვნელოვანი პროექტები, რომელიც უფრო უკეთესს გახდის ხვალინდელ თბილისს", – აღნიშნა კახა კალაძემ. 

მსგავსი სიახლეები
კომენტარები
იტვირთება...