საპარლამენტო ფრაქცია “ქართული ოცნების“ წევრის, მარიამ ლაშხის განცხადებით, როგორც კი ტრანსგენდერ ქალზე თავდასხმის გამო “ძლიერი საქართველოს“ სიის 52-ე ნომერი, დავით ფერაძე დააკავეს, პარტია მას მაშინვე განუდგა.
მისივე თქმით, ერთადერთი პარტია, რომელიც ადამიანის უფლებებზე ზრუნავს ეს “ქართული ოცნებაა“.
"მაშინვე განუდგებიან ხოლმე თავის გუნდის წევრებს და ამბობენ, რომ ისინი მათი წევრები არ არიან, რაც არასწორ პიროვნულ თვისებებზე მიუთითებს.
როდესაც ნებისმიერი საზოგადოების წარმომადგენელს იცავ და თან შენივე საპარლამენტო სიის წევრი არის ამ [საზოგადოების] წინააღმდეგი, ეს კიდევ ერთხელ მიუთითებს იმ ყალბ ღირებულებებზე, რომელსაც ემსახურებიან.
თუ ვინმე იცავდა და ზრუნავდა ადამიანის უფლებებზე, ეს არის “ქართული ოცნება“ - განაცხადა მარიამ ლაშხმა.
