„ქართული ოცნების“ თავმჯდომარე, ირაკლი კობახიძე საკონსტიტუციო სასამართლოში პრეზიდენტის წარმომადგენლებს აკრიტიკებს და აცხადებს, რომ მათ "გაუგონარი" არგუმენტები წარმოადგინეს.
„სრული ნონსენსია, მართლა, მე ახლა ვფიქრობდი, რომ სტუდენტები უყურებენ ამ ყველაფერს, უბრალოდ თავის მოჭრაა, როდესაც სტუდენტები ხედავენ, რომ ასეთი ზრდასრული ადამიანები, იურისტები, ასეთ რაღაცებს ლაპარაკობენ ასეთ მარტივ თემასთან დაკავშირებით საკონსტიტუციო სასამართლოში. ეს არის შემაშფოთებელი და გამაოგნებელი. სუსტი არგუმენტები კი არ არის, გაუგონარია, გაუგონარ რაღაცებს ლაპარაკობენ", - განაცხადა კობახიძემ.
საკონსტიტუციოში პრეზიდენტის იმპიჩმენტის წარდგინების განხილვა ხვალ, 11:00 საათზე გაგრძელდება.
