ჩემი შვილის კადრების გავრცელებით, მოსახლეობას ფატალური შედეგისთვის ამზადებენ - ამის შესახებ მიხეილ სააკაშვილის დედამ გიული ალასანიამ „ტვ პირველის“ ეთერში ისაუბრა.
„იმედმა“ აჩვენა ივნისის კადრები, სადაც მიშა მხნედ დააბიჯებს. ცოტა უცნაურია ახლა ამ კადრების გავრცელება. მესმის, სასამართლოს განაჩენის გამოტანამდე, თუ რას ემსახურებოდა ჩანაწერების გამოქვეყნება, რომ ხალხისთვის ენახებინათ - აი მიშა სიმულიანტია. მაგრამ ახლა კიდევ ამ კადრების ჩვენება რას ემსახურება? ე.ი. მოსახლეობას ამზადებენ მისი სიკვდილისთვის. რომ ახლა ისევ რაღაცას გვატყუებს, კარგად, მხნედ არის, მაგრამ უზნეოა და მოკვდა უცებ. ვიმედოვნებ, მოსახლეობის უმრავლესობა საღად აზროვნებს და სწორ დასკვნებს გამოიტანს”- განაცხადა გიული ალასანიამ.
