პარლამენტის იურიდიულ საკითხთა კომიტეტის თავმჯდომარის გიორგი კახიანის განცხადებით, პარლამენტი ლეგიტიმურია და ოპოზიციას უნდა ესმოდეს, რომ პარლამენტს მოსახლეობამ მიანიჭა ლეგიტიმაცია.
„პარლამენტი ლეგიტიმურია. პარლამენტის ლეგიტიმურობაზე გადაწყვეტილება მიიღო საქართველოს მოსახლეობამ, როცა არჩევნებში მონაწილეობა მიიღო ორმა მილიონმა ადამიანმა და პოლიტიკურ გაერთიანებებს მხარი დაუჭირეს. „ქართულმა ოცნებამ“ მილიონ 200 ათასი ხმა მიიღო. ამიტომ, ოპოზიციას უნდა ესმოდეს, რომ პარლამენტი ლეგიტიმურია თუ არა, იმაზე კი არ არის დამოკიდებული, ისინი შემოვლენ თუ არა პარლამენტში, ეს დამოკიდებულია მოსახლეობის ნებაზე, რომელმაც საკუთარი ნება გამოხატა“, – აღნიშნა გიორგი კახიანმა.
ამავდროულად, კახიანმა განაცხადა, რომ საერთაშორისო ურთიერთობის მიმართულებითაც ყველაფერი მალე ნორმალიზდება.
