ხაშურის მუნიციპალიტეტის ადმინისტრაციულ შენობაში საბიბლიოთეკო სივრცე გაიხსნა.
საზეიმო ღონისძიებას ხაშურის მუნიციპალიტეტის მერი თენგიზ ჩიტიაშვილი, საკრებულოს თავმჯდომარე ნინო ლიპარტელიანი, მერის მოადგილე ზვიად გოგუაძე და მუნიციპალიტეტის წარმომადგენლები ესწრებოდნენ.
„მედიათეკის გახსნამდე, სწორედ ამ სივრცეში იქნება მუნიციპალიტეტის ბიბლიოთეკა განთავსებული. გადმოვიდა წიგნადი ფონდი, მკითხველისთვის შესაძლებელი იქნება, ისარგებლოს როგორც წიგნადი ფონდით და ბეჭდური მედიით, ასევე ინტერნეტით. იმედი გვაქვს, ეს სივრცე ყველა ასაკისა და სოციალური მდგომარეობის ადამიანის ინტერესებს დააკმაყოფილებს,“- აღნიშნეს მუნიციპალიტეტის ხელმძღვანელმა პირებმა.
ღონისძიების საპატიო სტუმარი იყო ეროვნული ბიბლიოთეკის დირექტორი კონსტანტინე გამსახურდია, რომელმაც, ხაშურის მუნიციპალიტეტის ბიბლიოთეკას ეროვნული ბიბლიოთეკის სახელით საჩუქრები გადასცა.
ხაშურის ბიბლიოთეკის გახსნის ღონისძიებაში სხვადასხვა შემოქმედებითი ჯგუფები და სკოლის მოსწავლეები მონაწილეობდნენ.
