აქციებს როცა მშვიდობიანი ხასიათი აქვს, გამოხატვის თავისუფლება უზრუნველყოფილია. როგორც კი, ძალადობრივი ხდება, ბუნებრივია, პოლიცია ამ ყველაფერზე პროპორციულად რეაგირებს, – ამის შესახებ პარლამენტის იურიდიულ საკითხთა კომიტეტის თავმჯდომარე გიორგი კახიანმა საქართველოს პირველ არხს განუცხადა.
კახიანის თქმით, აქციებს მშვიდობიანი ხასიათი უნდა ჰქონდეს.
„ვისაც პროტესტი აქვს, ამის გამოხატვა შეუძლიათ და სახელმწიფოს მხრიდან მათი უფლება დაცული, უზრუნველყოფილი იქნება, მაგრამ როგორც კი აქცია ძალადობრივ ხასიათს მიიღებს, ამას შესაბამისი რეაგირება მოჰყვება. ძალადობრივ ქმედებებს სახელმწიფო შესაბამისი პროპორციით უპასუხებს“, – განაცხადა გიორგი კახიანმა.
