ევროპის საბჭოს საპარლამენტო ასამბლეაში (PACE) ხუთშაბათს, 2 ოქტომბერს საქართველოს შესახებ დებატებია დაგეგმილი.
ევროპის საბჭოს საპარლამენტო ასამბლეის ვებგვერდზე გამოქვეყნებული ინფორმაციის მიხედვით, დებატები, სახელწოდებით „დემოკრატიისა და კანონის უზენაესობის დაცვა საქართველოში“, დღის მეორე ნახევრისთვის არის დაგეგმილი,
საქართველოს გარდა, ევროპის საბჭოს საპარლამენტო ასამბლეის სესიაზე ასევე გაიმართება შემდეგი დებატები: „სასწრაფო მოწოდება დამანგრეველი ჰუმანიტარული კატასტროფისა და ღაზაში ჟურნალისტების მკვლელობის დასრულებისკენ“, „რუსეთი: ახალი საფრთხეები ევროპული დემოკრატიებისთვის“, „მონიტორინგის შემდგომი დიალოგი ბულგარეთთან“ და სხვა.
