„ლელო – ძლიერი საქართველოს“ წევრი ალეკო ელისაშვილი დაკავებულია. - ამის შესახებ ინფორმაციას ადვოკატი გიორგი რეხვიაშვილი ადასტურებს. თუმცა შინაგან საქმეთა სამინისტროს ჯერჯერობით ოფიციალური ინფორმაცია არ გაუვრცელებია.
"არ ვიცით, ერთადერთი შემიძლია დაგიდასტუროთ რომ არის დაკავებული, თუმცა რა მუხლით არის დაკავებული, მაგას ვერ გეტყვით არ მაქვს ინფორმაცია. როგორც ვიცი, არის სისხლის სამართლის საქმე. დანარჩენი ახლა რომ შევხვდები და შევალ, იზოლატორში ველოდები გადაყვანას, როცა შევხვდები და შევალ, მაშინ შევძლებ დეტალური ინფორმაციის მოწოდებას. ეს არის სავარაუდოდ ახალი სისხლის სამართლის საქმე, რადგან მიმდინარე სისხლის სამართლის საქმესთან დაკავშირებით, მას დაკავება არ უწევდა“, – განაცხადა რეხვიაშვილმა.
